लोहारा : Belkund Lift Irrigation Project : शेतकऱ्यांना भूमीहीन करून बेलकुंड उपसा सिंचन योजना राबवण्यास आमचा प्रखर विरोध. नागूर तालुका लोहारा येथील शेतकऱ्याच्या बैठकीत शेतकरी नेते अनिल जगताप यांचा शासनाला तीव्र इशारा.
राज्य शासनाच्या जलसंपदा विभागाने 22 ऑगस्ट रोजी एक परिपत्रक काढून बेलकुंड उपसा सिंचन योजना मंजूर केली असून त्यासाठी 190 कोटी रुपये खर्च येणार आहे बेलकुंड व त्या परिसरातील दहा ते पंधरा गावांना या उपसा सिंचन योजनेचा फायदा होणार आहे. त्यासाठी निम्न तेरणा प्रकल्प माकणी मधून 11 दशलक्ष घनमीटर पाणी आरक्षित केले गेले आहे.
निम्न तेरणा प्रकल्प माकणी प्रकल्पात गाळ साचल्यामुळे प्रकल्पाची मूळ क्षमता 121 दशलक्ष घनमीटर असताना आता केवळ 85 दशलक्ष घनमीटर पाणी आहे. या धरणावरती धाराशिव शहरापर्यंत पाणी नेणारी अशिव उपसा सिंचन योजना आहे त्यासाठी 46 दशलक्ष घनमीटर पाणी आरक्षित आहे.
उजवा डावा कालवा पाणी आरक्षण आहे लोकमंगल साखर कारखान्याचे पाणी आरक्षण असून, विविध खेडे निलंगा उमरगा लोहारा पाणीपुरवठा योजनेचे आरक्षण व शेतकऱ्याच्या मोटारीद्वारे उपसत असलेल्या पाण्याचे आरक्षण मिळवून 140 दशलक्ष घनमीटर इतके आरक्षण आहे. प्रत्यक्षात पाणी 85 दशलक्ष घनमीटर इतकेच उपलब्ध होऊ शकते.
त्यातही 36 वर्षात धरण आत्तापर्यंत 13 वेळेसच पूर्ण क्षमतेने भरले आहे.
22 ऑगस्ट 2025 रोजी जलसंपदा विभागाने काढलेल्या बेलकुंड उपसा सिंचन योजनेच्या परिपत्रकात एकूण तीन अटी घालण्यात आलेले आहेत त्यात अट क्रमांक तीन नुसार 16 नोव्हेंबर 2016 चा निम्न तेरणा प्रकल्पाला सुधारित प्रशासकीय मान्यता घेण्यात यावी असे नमूद केले आहे याचा स्पष्ट अर्थ धरणाची उंची वाढवली जाईल शेतकऱ्यांची जमीन संपादित केले जाईल आणि त्यानंतर निर्माण होणारा जो काही पाणीसाठा असेल त्यातून बेलकुंड उपसा सिंचन योजना राबवली जाईल.
यापूर्वीच या परिसरातील शेतकऱ्यांनी 75 टक्के जमिनी धरणासाठी दिलेल्या आहेत आणखी काही जमिनी संपादक झाल्या तर इथला शेतकरी भूमीहीन होईल. त्यामुळे सर्व शेतकरी बांधवांनी शेतकरी नेते अनिल जगताप यांच्या नेतृत्वाखाली लढा उभारून आंदोलन करण्याचा निर्णय घेतला आहे गावोगावी जमीन संपादन करण्यास तीव्र विरोध होत आहे.
आज नागुर येथे झालेल्या शेतकऱ्यांच्या बैठकीत सर्वच शेतकरी बांधवांनी अनिल दादा जगताप यांच्या नेतृत्वाखाली तीव्र लढा उभारण्याबरोबरच सक्षमपनाने अनिल दादाच्या पाठीमागे उभा राहण्याचा निर्णय घेतला कुठल्याही परिस्थितीत एक इंच देखील जमीन या निम्न तेरणा प्रकल्प मागणीसाठी द्यायचा नाही द्यायची नाही असा निर्धार व्यक्त करण्यात आला. यापुढे धरण परिसरातील गावागावांमध्ये शेतकऱ्याची बैठका होणार असून लवकरच एक व्यापक स्वरूपात आंदोलन उभा करणार असल्याचे शेतकरी नेते अनिल जगताप यांनी सांगितले.
