भातागळी, ता. लोहारा – लोहारा आणि उमरगा तालुक्यातील 79,880 शेतकऱ्यांना एकूण ₹86 कोटी 46 लाख 34 हजार रुपयांचे अतिवृष्टी अनुदान मिळवून देण्यात यशस्वी ठरलेल्या लोकप्रतिनिधी व कार्यकर्त्यांचा भातागळी ग्रामस्थांच्या वतीने नागरी सत्कार करण्यात येणार आहे. हा सत्कार कार्यक्रम आज संध्याकाळी 7 वाजता भातागळी गावात आयोजित करण्यात आला आहे.
शासन निर्णयाची पार्श्वभूमी!
28 ऑक्टोबर 2024 रोजी विभागीय आयुक्त कार्यालयाकडून मंत्रालयाकडे लोहारा-उमरगा तालुक्याचा प्रस्ताव पाठवण्यात आला होता. मात्र, त्यानंतर इतर तालुक्यांचे प्रस्ताव मंजूर होऊन शासन निर्णय निघाले, तरीही लोहारा-उमरगा तालुक्याला मदत मिळत नव्हती.
एकूण नऊ अतिवृष्टी अनुदानाचे शासन निर्णय निघूनही या दोन्ही तालुक्यांचा समावेश नव्हता. यामुळे शेतकऱ्यांमध्ये तीव्र नाराजी होती.
लढ्याची कहाणी!
शासनाकडून दुर्लक्ष होत असल्याने, 30 एप्रिल रोजी अनिल जगताप यांच्या नेतृत्वाखाली लोहारा तहसील कार्यालयासमोर धरणे आंदोलन करण्यात आले. तसेच रस्ता रोको करण्याचा इशाराही देण्यात आला. या आंदोलनामुळे शासनावर दबाव वाढला आणि अखेर 29 जुलै 2025 रोजी शासन निर्णय काढण्यात आला.
या निर्णयानुसार, लोहारा व उमरगा तालुक्यातील शेतकऱ्यांना ₹86 कोटी 46 लाख 34 हजार रुपयांचे अतिवृष्टी अनुदान मंजूर करण्यात आले.
सत्ता नसतानाही मिळवून दिलेला दिलासा!
सत्ता नसतानाही, एक वर्षांपासून प्रलंबित असलेला प्रस्ताव मंजूर करून घेण्यात आलेला हा निर्णय शेतकऱ्यांसाठी मोठा दिलासा ठरला आहे. यामुळे लोहारा-उमरगा तालुक्यातील शेतकऱ्यांना खरीप हंगामातील आर्थिक संकटातून काही प्रमाणात मुक्ती मिळणार आहे.
सत्कार सोहळा!
या भव्य सत्कार कार्यक्रमाला आमदार प्रवीण स्वामी सर, अनिल जगताप, कुमारी सक्षणाताई सलगर, अजिंक्य बापू पाटील, अमोल बिराजदार हे मान्यवर उपस्थित राहणार आहेत. ग्रामस्थांनी बहुसंख्य नागरिकांनी उपस्थित राहून या ऐतिहासिक क्षणाचे साक्षीदार व्हावे, असे आवाहन केले आहे.
