(धाराशिव) : Dharashiv Pik Vima : खरीप 2024 मध्ये धाराशिव जिल्ह्यातील सात लाख 19 हजार शेतकऱ्यांनी पीक विमा भरला होता धाराशिव जिल्ह्यात गेल्या वर्षी अतिवृष्टीने नुकसान भरपाई झाल्यानंतर धाराशिव जिल्ह्यातल्या पाच लाख 19 हजार शेतकऱ्यांना यापूर्वीच 218 कोटी रुपयांचे वाटप झालेले आहे.
काढणी पश्चात कव्हर अंतर्गत धाराशिव जिल्ह्यातील जवळपास 75 हजार 677 शेतकऱ्यांना 50 कोटी रुपयांचा पिक विमा मिळणे बाकी होती. गेल्या वर्षी एचडीएफसी पिक विमा कंपनीला केंद्र राज्य व शेतकरी हिस्सा मिळून 596 कोटी रुपये गेलेले आहेत. मात्र राज्य शासनाने त्यांच्या हिश्याची रक्कम ही कवीमा कंपनीला दिली नव्हती म्हणून काढणी पश्चात कव्हरचे 50 कोटी रुपये पिक विमा कंपनीने राखून ठेवले होते.
राज्य शासनाने त्यांच्या हिश्याची रक्कम दिल्याचे सांगितल्यानंतरही पिक विमा कंपनी शेतकऱ्यांना पैसे देत नव्हती त्यामुळे अखेर 29 ऑगस्ट रोजी आंदोलन करणार असल्याचे अनिल जगताप यांनी कंपनी व जिल्हा प्रशासनाला लेखी कळवले होते
त्यानंतर तातडीने हालचाली होऊन 2 सप्टेंबर पर्यंत पिक विमा वाटप करत असल्याचे पत्र अनिल जगताप यांना पीक विमा कंपनीने दिले होते 29 ऑगस्ट रोजी मराठा योद्धा श्री मनोज दादा जरांगे पाटील यांचे मुंबईत आंदोलन असल्याने शेतकऱ्याचे आंदोलन अनिल दादा जगताप यांनी स्थगित केले होते.
काल कंपनीने दिलेली मुदत संपल्यानंतर जर कंपनीने 24 तासात रक्कम वितरित नाही केली तर गुन्हे दाखल करणार असल्याचे अनिल दादा जगताप यांनी सांगितले होते मात्र त्यापूर्वीच आज ३ सप्टेंबर रोजी धाराशिव जिल्ह्यातील शेतकऱ्यांना खरीप 2024 मधील काढणी पश्चात कव्हर अंतर्गत चे जवळपास 75 हजार 677 शेतकऱ्यांना 50 कोटी रुपये वितरण होण्यास सुरुवात झालेली आहे.
अनिल दादा जगताप यांच्या प्रयत्नाला यश आल्याने सर्व शेतकरी बांधवांमधून त्यांचे कौतुक होत आहे. कुठलेही पद नसताना शेतकऱ्यांना पिक विमा व अतिवृष्टीची मदत मिळवून देणारा सामान्य शेतकरी म्हणून त्यांचे अधिकचे कौतुक होत आहे.
