उमरगा : kaldevo Nimbala farmers protest : कल देव निंबाळा तालुका उमरगा येथे शेतकऱ्यांच्या विविध मागण्यासाठी शेतकऱ्यांनी केले एक दिवसाचे लाक्षणिक धरणे आंदोलन.
शेतकऱ्याच्या विविध मागण्यासाठी कल देव निंबाळा येथील शेतकऱ्यांनी आज ग्रामपंचायत कार्यालयासमोर एक दिवसाचे धरणे आंदोलन केले. शेतकऱ्याची संपूर्ण कर्जमाफी करावी, पूर्वीप्रमाणेच पिक विमा योजना राबवावी, बंद केलेले तिन्ही ट्रिगर चालू करावे ,अतिवृष्टीची मदत देण्याची मर्यादा वाढवावी इत्यादी मागण्यासाठी आज धरणे आंदोलन करण्यात आले.
आंदोलनाला पाठिंबा देण्यासाठी शेतकरी नेते अनिल जगताप उपस्थित होते या प्रसंगी बोलताना ते म्हणाले की पुणतांबे ता.राहुरी जिल्हा अहिल्यानगर येथील शेतकऱ्यांनी 2017 मध्ये अशाच पद्धतीने गावात शेतकऱ्याच्या मागण्यासाठी धरणे आंदोलन केले होते तेव्हा पासून शेतकरी संपावर हा शब्दप्रयोग रूढ झाला होता. शेती व्यवसाय हा असंघटित समूहाचा व्यवसाय असल्याने त्याकडे शासन व प्रशासन वेळीच लक्ष देत नाही. शेतकऱ्यांनी एकत्रित आल्यास निश्चितपणाने शासनाला आपल्याला हवी तशी भूमिका घ्यायला भाग पाडू.
यावेळेस गावातील नागरिकांनी समायोजित भाषणे केली तसेच गावात काही प्रशासकीय अधिकारीही वेळेत उपस्थित राहत नाहीत हे आवर्जून सांगितले.
या धरणे आंदोलनाच्या वेळेस राहुल डोणगावे सरपंच महादेव कांबळे सोसायटी चेअरमन तुकाराम बिराजदार माजी सरपंच बाबुराव पावशेरे किरण स्वामी गुंडू शंकर बिराजदार अमरसिंह सूर्यवंशी दिगंबर वाघमारे युवराज नंदगावे रघुनाथ डोणगाव मिलिंद सूर्यवंशी सुरज डोंगजे सचिन घोटमळे सुनील जळके कोरे नागनाथ बिराजदार महादेव घंटे गुंडा बिराजदार आप्पाराव एलोरे शिवाजी घोटमाळे बालाजी सूर्यवंशी नागनाथ चिंचोले रमेश तळेकर नवाज मुल्ला गहिनीनाथ बिराजदार ज्ञानेश्वर पाटील नरसिंह दशमी अविनाश भांडे बबन बंडे शिवाजी स्वामी गोविंद दळवे दत्तात्रय रोकडे मनोहर हिरवे चंद्रकांत बनसोडे धनंजय पाटील इत्यादी नागरिक शेतकरी मोठ्या संख्येने उपस्थित होते.
