लोहारा : Shetkari Samvad Yatra : सुप्रिया शेतकरी संवाद दौऱ्याची सुरुवात 7 डिसेंबर वार शुक्रवार रोजी आरणी तालुका लोहारा येथून होणार. शेतकरी नेते अनिल जगताप यांची माहिती..
ग्रामीण भागातील शेतकऱ्यांचा रखडलेला पीक विमा ,अतिवृष्टी अनुदान, दूध अनुदान, प्रोत्साहन अनुदान व शेतीविषयक कामकाजाच्या समस्येचे निराकरण त्यांच्या गावातच व्हावे यासाठी सुप्रिया शेतकरी संवाद दौऱ्याचे आयोजन केले असल्याची माहिती शेतकरी नेते अनिल जगताप यांनी दिली आहे. 7 डिसेंबर रोजी आरणी तालुका लोहारा येथून या सुप्रिया शेतकरी संवाद दौऱ्याला सुरुवात होणार आहे.
लोहारा तालुक्यात या सुप्रिया शेतकरी संवाद दौऱ्यानिमित्त 16 सभा होणार असून त्यात आरणी, कानेगाव ,भातागळी, काष्टी बुद्रुक, नागूर ,काष्टी खुर्द ,लोहारा खुर्द ,मोगा खुर्द, मोगा बुद्रुक, बेलवाडी, शिवकरवाडी ,नागराळ, बेंडकाळ , मार्डी ,उंडरगाव ,हिप्परगा या ठिकाणी शेतकरी संवाद दौऱ्याचे आयोजन करण्यात आले आहे. दर दिवशी दोन गावात सुप्रिया शेतकरी संवाद दौऱ्याचे नियोजन असणार आहे.
सुप्रिया शेतकरी संवाद दौऱ्यात प्रत्येक गावातील शेतकरी बांधवांचा 2020 ते 25 पर्यंतचे थकलेला पिक विमा ,अतिवृष्टी अनुदान, प्रोत्साहन अनुदान, कांदा अनुदान व शेतीविषयक समस्याचे फॉर्म भरून घेऊन शासन दरबारी त्याचा पाठपुरावा करून प्रश्नाची सोडवणूक करण्यात येणार आहे.
या सुप्रिया शेतकरी संवाद दौऱ्याची सुरुवात 7 डिसेंबर रोजी आरणी येथून होत असून त्या दिवशी केवळ आरणी येथेच शेतकरी संवाद दौरा होईल. त्यानंतर7 डिसेंबर ते 17 डिसेंबर पर्यंत एकूण सोळा शेतकरी संवाद दौरे होतील . प्रत्येक दिवशी दोन गावांमध्ये शेतकरी संवाद दौरा होईल. पुढच्या दिवशी दोन गावात होणाऱ्या शेतकरी संवाद दौऱ्याची माहिती अगोदरच्या दिवशी देण्यात येईल.
सुप्रिया शेतकरी संवाद दौऱ्याचा समारोप 21 डिसेंबर रोजी लोहारा येथे करण्यात येणार आहे.
सुप्रिया शेतकरी संवाद दौऱ्याची संपूर्ण तयारी राष्ट्रवादी काँग्रेस पार्टीच्या शरद पवार गट देशाच्या युवती काँग्रेसच्या अध्यक्षा कु. सक्षणाताई सलगर व धाराशिव चे राष्ट्रवादी शरद चंद्र पक्षाचे जिल्हाध्यक्ष डॉ. प्रतापसिंह पाटील यांच्या मार्गदर्शनाखाली करण्यात येणार आहे.
सुप्रिया शेतकरी संवाद दौऱ्याच्या उद्घाटन सभेला तसेच समारोपाच्या सभेला कोण कोणते नेतेमंडळी उपस्थित राहणार आहेत याची सविस्तर माहिती 4 डिसेंबर रोजी देण्यात येईल.
