लोहारा : Soybean Crop Cutting Experiment : भातागळी येथील सोयाबीनचा पीक कापणी प्रयोग ,दहा बाय पाच मीटरचा चौरस चा चौरस. पीक कापणी प्रयोगातून सोयाबन निघाले केवळ 245 ग्रॅम. याचा अर्थ हेक्टर मध्ये निघेल केवळ 47 किलो.
यावर्षी धाराशिव जिल्ह्यात अतिवृष्टीच्या तडाख्याने शेतकऱ्याची काय अवस्था झाली आहे याचं हे बोलकं उदाहरण आहे. सध्या जिल्ह्यात 2025 खरीप पिक विमा अंतर्गत पीक कापणी प्रयोग सुरू आहे. नवीन पीक विमा योजनेनुसार पीक कापणी प्रयोगातून 50% तर उपग्रहाद्वारे घेतलेल्या छायाचित्रातून 50% नुकसान भरपाई शेतकऱ्यांना दिली जाणार आहे त्यामुळे कधी नव्हे ते पीक कापणी प्रयोगांना अन्य साधारण महत्व आले आहे. धाराशिव जिल्ह्यातील 42 महसूल मंडळात 504 प्रयोग केले जाणार आहेत एका महसूल मंडळात 12 प्रयोग केले जाणार आहेत त्यातला लोहारा महसूल मंडळातील एक पीक कापणी प्रयोग आज भातागळी तालुका लोहारा या ठिकाणी पार पडला.
पीक कापणी प्रयोगाच्या नियमानुसार सर्वप्रथम निवड झालेल्या शशिकांत दत्तोपंत कुलकर्णी सर्वे नंबर 82 मध्ये 10 बाय पाच मीटरचा चौरस करण्यात आला त्यातील सोयाबीन काढून त्याचे ऱ्हास केली गेली त्याचे वजन मोजले गेले तेव्हा ते केवळ 245 ग्रॅम इतके भरले. उपस्थित शेतकरी व अधिकारी वर्गांना याचा धक्का बसला कारण अतिवृष्टीचा तडाका काय असतो हे त्यांनी उघड्या डोळ्यांनी पाहिले आहे.
पीक कापणी प्रयोग झाल्यानंतर तिथे उपस्थित असलेल्या अधिकाऱ्यांनी कागदपत्राचा सोपस्कार पार पाडला व्हिडिओ चित्रीकरण करण्यात आले आणि पिक विमा कंपनी अधिकारी श्री बागल यांच्या हातात सोयाबीन देऊन त्याचे वजन करण्यात आले. दहा बाय पाच च्या चौरस मीटर मध्ये केवळ 245 ग्रॅम इतके सोयाबीन आले आहे त्यानुसार जर एक हेक्टरचे मोजमाप केले तर केवळ 47 किलो इतके सोयाबीन एक हेक्टर मध्ये निघेल. हे शेतकऱ्या वरच आसमानी संकट असं आहे. त्यामुळे शेतकऱ्याला यावर्षी पिक विमा नुकसान भरपाईतून मोठी नुकसान भरपाई मिळणे अपेक्षित आहे.
भातागळी येथील पीक कापणी प्रयोगासाठी पिक विमा अभ्यासक व शेतकरी नेते स्वतः अनिल जगताप उपस्थित होते ते त्यांचे मूळ गाव आहे. त्याचबरोबर श्री एन एन मगर मंडळ कृषी अधिकारी लोहारा ,श्री जेके गोसावी उप कृषी अधिकारी लोहारा ,श्रीमती के एम जाधव सहाय्यक कृषी अधिकारी भातागळी, श्रीमती जे एस पवार सहाय्यक कृषी अधिकारी मोगा बुद्रुक, श्री वी पवार सहाय्यक कृषी अधिकारी कानेगाव ,आर आर बोयने ग्रामपंचायत अधिकारी, श्री एम जी माळी साहेब ग्राम महसूल अधिकारी ,श्री बी एन बागल आयसीआयसी लोम्बार्ड पिक विमा कंपनी प्रतिनिधी तसेच भातागळीचे सरपंच श्री हनुमंत जगताप कारभारी ,ग्रामपंचायत सदस्य तानाजी आनंदगावकर,शेतकरी अमोल ओवंडकर , विश्वनाथ जगताप, वसंत गर्जे राजेंद्र जगताप, शेतमालक शशिकांत दत्तोपंत कुलकर्णी हे उपस्थित होते.
